మీనాక్షి  ఊసులు:-

ఫిర్ వహి శ్యాం…!

నాకు ఎందుకో  రోజూ ఒకేలా నడుస్తూ  వుంటే ఏవిటో మరగ కాచిన కాఫీ తాగినట్లు అస్సలు బాగుండదు. అందుకే రంగోలి అనే  ప్రోగ్రామ్ని చూడడం మానేసాను పెళ్ళైయ్యాక! వివాహం కాక  ముందు నాన్నగారితో కలిసి పేపర్ చదువుతూ , కాఫీ సిప్ చేస్తూ, మద్ధ్య లో  మద్ధ్య  లో ఆయనతో పేపర్ కోసం పోట్లాడుతూ  ప్రోగ్రామ్ని చూసేదాన్ని.అవన్ని లేక పోవడంతో పెళ్ళితో రంగోలి కి స్వస్తి చెప్పేసాను.

ఈ మధ్యనే  ఎందుకో పాత అలవాటుని మళ్ళీ ఆనుకోకుండా అక్కున చేర్చుకున్నాను 20 ఏళ్ళ తరువాత.చాలా కాలం తరువాత పీల్చిన మట్టి వాసనలా అనిపించింది.బాగుంది.అన్నట్లు ఇప్పుడు నా తో శ్రీవారు కూడా దివానుపై శయనించి రంగోలి వీక్షించి ఇష్టమైన పాట వస్తే ముసి ముసి నవ్వుల మురిసి పోతుంటారు.ఈ రంగోలి బాగానే వుంది! ఆనుభవాలు పాతవే. .అవి మిగిల్చిన అనుభూతులు ంఆత్రం వర్ణనకు అసాధ్యం!

minaakshi Kunche kulukulu

Mudita_a pencil sketch

minaakshi Kunche kulukulu

Mandasmita

minaakshi Kunche kulukulu

Saaloechana_A. SKETCH MADE BY ME USING CHARCOAL STICKS

The Ebb and Flow

In the past,

Often did I ignore

The warmth_ those innocent smiles

Showered upon me.

But now,

Often  do I recollect

And shower down to recede into tears.

 

 

 

 

minaakshi leaKalu

Ďear krishNa yaamini!

This smart phone !..presented by

Him! It brought back my interest in writing a letter to you.  But of course, I started in telugu, forgot completely how to operate it and that too using it with the help of  smart phone became baffling.  Anyway, nice meeting you after a long time.  It must be the same with you. Recently I have gone to Bhadrachalam to meet our old friends. Then I felt like changing my himkusumaalu_7.  Therefore meet you there soon. Meanwhile, let me get acquainted with this baffling instrument.

Bye

bagunnaaraa!

Nenu ! Mii meenakshi!

మీనాక్షి కుర్కురే! (క్యా! మై ఝూట్ బోలి క్యా? -2)

క్యా! మై ఝూట్ బోలి క్యా?
ఆయ్! ఇడాకుల ఇషయానికీ, డైరెక్ట్రుగా వచ్చీసినామండి!ఆయ్! మరి పెద్దోళ్ళు కుదిర్సినవేమిటి,పిల్లమూకలు కుదుర్సుకున్నవేమిటి, అన్నింటిలోనూ ఒహటే తొందరపాటు కనిపిస్తోందండి! ఎందుకంటే మనువికి కొలబద్దలుగా ఈరంత డబ్బూ,డర్పం,దస్కం…ఇహ నే సెప్పలేండి. ఇసుంటివి సూసేసి, సేసేసుకుంటున్నారండి! అంతే! ఇహ అది మూన్నాళ్ళ ముచ్చట కాక మరేటౌతుందండి?అసలు కారణం నా ఎరికలో…ఆడాళ్ళు అదే మరి మన ఆడమళయళం…అదే ఆడమూకలు…ఆ..అదే..అమ్మాయిల సంఖ్య తగ్గిపోతోందిటండీ…అసలూ! అది సంగంతి కాదేటండి మరి!అందుకు ఈ తొందరపాటు!
ఇహ పోతే అలా అయిన పెళ్ళిళ్ళలో ఇడాకులు పెద్ద ఇసేసమూ,ఇషయమూ నేటండి!అవుతాయి!ఇడాకులూ అవుతాయి!పెడమొకాలు అవుతాయి!అక్కడితో అయ్యిందా! మన సుట్టూ అనేకమంది పెద్దమడుసులుంటారారు కదేటండి! ఆరితో మా సిచ్చొక్కీసినాదండి బాబు!అంటేనండి ఇప్పుడూ…ఇడాకులు తీసీసుకుని అబ్బాయీ, అమేరికా పారెళ్ళినాడనుకోండి(ఎందుకైనా మంచిది అమ్మాయి ఎదురగకుండానండీ…)ఆయ్!ఇహ సేసేందుకు ఏటుందండీ డబ్బు యావ తప్ప!అది సూసేసి మన పెద్దమడుసులు ఈ అమ్మయెంటపడతారండి…ఆడు కొటి తేస్తే, నువ్వీడ కోట కట్టు! అదేందో…ఆ కలకటేరు అవ్వు! ఆడు నిన్ను సూసి ఏడ్వాలా…మరి నువ్వు ఆడ్ని సూసి ఏడ్వాలా…అని సెవ్వుల్లో జోరీగల మాదిరి ఒహటే నస!

ఆయ్! ఆడు కోట్లు సంపాదిస్తే ఈడ ఈ అమ్మాయికేటండి! ఈ అమ్మాయి డబ్బెనకమాలి ఎందుకు లగ్గెత్తాలండీ? అసలు ఆళ్ళెందుకు ఇడిపోయారో కనుక్కునీ, సాతనైతే ఒకింత సాయం సేయాలి,లేకుంటే మనకెందుకులెమ్మని నిమ్మలంగా ఘమ్మ్హని వుండాలి! అసలు ఆడికి డబ్బు పిచ్చి వుంటే ఈ పిల్లకి వుండాలని వుందేటంది! రూలిసు మాటాడితే మరి రూలీసేనండి! ఆడికి బంగల కావలనుకుంటే ఈ పిల్ల మరి సేపల బుట్టకాడే తొంగుంటాదండీ!అది కుదరదని లగ్గెత్తిస్తే ఏటౌతాదంది! ఆడో, ఇదో ఎవరో ఒకరు ఒకరినొకరు పొడిసేసుకుంటారండీ! నేకుంటే పొడిసేస్తారండి! అయ్ బాబోయ్! ఎవరినేటండి? అలా లగ్గెతించినందుకు తవరినేనండి! ఆయ్! అవునంటారా? కాదంటారా?ఓ సూరి ఇసయం తలకెత్తుకోండీ!పెద్దమడుసులూ…అలా మొకం సాటేస్తే ఎల్లాగా?
క్యా! మై ఝూట్ బోలి క్యా? బోల్ దీజియే “కొయినా…భై…కొయినా…”:)

ఆయ్! క్యా మై ఝూట్ బోలి క్యా?

 

ఆయ్! మరేమోనూ మనమేమో  కలుసుకుని సానా రోజులైపోతుండాది! బాగుండారా! మీ అసుంటి పెద్దమడుసుల్ని కలుసుకోవాలంటే, ఒకింత తీరిక, మరో కూసింత ఎసులుబాటు వుండాలి కాదెటండీ!మరందుకే, ఈలు కుదరనేదూ అని సెప్పుకుంటున్నాను.అద్సరేగాని!ఈ పెళ్ళిళ్ళు సేసేసుకోడం, మనం “హమ్మయ్య!అయ్యింది!!!” అనుకునే లోపుల్నే ఇడిపోడం!  సంగతి! ఆయ్! కారణమేటో తెలుసునేటండి మీకూ? ఆ! నా పిచ్చిగానీ మీరూ–పెద్దోరూ! మీకు నే సెప్పేదెమిటి గానీ! నాకూ తెలుసూ– అని నేననుకుంటే వొచ్చేసిన నష్టమేటీ పెద్దగా లేదనిపించీ, మరి మనం మన మనసులో మాట సెప్పేస్తున్నామండి!ఇషయం అర్థమైంది కాదేటండి! ఇహ రేపు ఓ పాలి ఈ ఇసయం మీద మీతో మొరీట్టుకుంటానండి! సెలవనేసుకుందామేటో!!కంగారుపడాల్సినదేటినేదండీ ఇసయం ! ఏదో ఒకింత ఊరుకో బుద్దికాక! మీ బాసలోనైతే బుద్ది లేకానూ…!

మీనాక్షి గరిటి గిరికీలు-సేమ్యా దోసె

 

ఏ మొక్క లేనప్పుడు ఆముదం మొక్కే, మహా వృక్షమండీ బాబు! అందుచేత,ఇంట్లో వున్న వస్తువులతో,మనం కూడా ఓ వంట సృష్టించేసాం.దీనిని ఇంతకముందు ఎవరన్నా చెప్పారో,చేసారో నాకు తెలియదు. నాకు అప్పటికప్పుడు తోచింది,చేసాను.ఇది చాలా వీజీ అండీ!ఓసారి చూడండి.
కావల్సిన పదార్ధాలు:-సేమ్యా-1కప్పు,బియ్యప్పిండి-2కప్పులు, పచ్చి మిర్చి-3,కొత్తిమీర, అల్లం-చిన్న ముక్క,ఉప్పు -తగినంత.
మూకుడులో రెండు చెంచాలు నూనె వేసి సేమ్యాని వేయించండి. తరువాత మూడు కప్పులు నీళ్ళు పోసి,సేమ్యాని ఉడికేలాగా చూడండి.సేమ్యా ఉడుకుబట్టిన వెంటనే దింపేసి,ఉప్పూ, పచ్చి మిర్చి,అల్లం, కొత్తిమీర కలిపేసి, బియ్యప్పిండిని కూడా కలిపేసి  దోసె పిండిలాగ తయారు చేసి దోసెలు పోయండి.ఉల్లిపాయలు మామూలే-కావలిసితే కలుపుకోండి.అన్నట్లు కాస్త పుల్లపెరుగు కూడా నీటితో కలిపితే బాగుంటుంది. ఇంతే సంగతులు–దోసె కడుపులోకి, మనం వీజి చైర్లోకీనూ!